News

Oct 7 : ICYM Badyar unit organised 'Gadyanth Ek Dees' - various games for Belthangady Deanery Youth on 2nd October 2022.

ಐ.ಸಿ.ವಯ್.ಎಮ್ ಬದ್ಯಾರ್ ಘಟಕಾಚ್ಯಾ ಸಾಂದ್ಯಾನಿ "ಗಾದ್ಯಾಂತ್ ಏಕ್ ದೀಸ್" ಮಾಂಡುನ್ ಹಾಡ್ಲೆಂ

ತಾರೀಕ್ 02.10.2022 ವೆರ್ ಐ.ಸಿ.ವಯ್.ಎಮ್ ಬದ್ಯಾರ್ ಘಟಕಾಚ್ಯಾ ಸಾಂದ್ಯಾನಿ "ಗಾದ್ಯಾಂತ್ ಏಕ್ ದೀಸ್" ವಿವಿಧ್ ಖೆಳ್ ವಾರಾಡ್ಯಾಚ್ಯಾ ಯುವಜಣಾಂಕ್ ಮಾಂಡುನ್ ಹಾಡ್ಲೆಂ. ಸಕಾಳಿಂ ಮಿಸಾ ಉಪ್ರಾಂತ್ ಇಗರ್ಜೆಚ್ಯಾ ಲಗ್ಸಾರ್ "ಗಾದ್ಯಾಂತ್ ಏಕ್ ದೀಸ್" ಕಾರ್ಯಕ್ರಮಾಚೆಂ ಉದ್ಘಾಟನ್ ಕಾರ್ಯೆಂ ಚಲವ್ನ್ ವೆಲೆಂ.

ಹ್ಯಾ ಕಾರ್ಯಕ್ರಮಾಚೆ ಅಧ್ಯಕ್ಷೀಯ್ ಸ್ಥಾನ್ ಮಾ|ಬಾ| ಮೆಲ್ವೀನ್ ಡಿಸೋಜಾ,‌ ತಶೆಂಚ್ ಹ್ಯಾ ಕಾರ್ಯಕ್ ಮುಖೆಲ್ ಸಯ್ರೆ ಜಾವ್ನ್ ಐ.ಸಿ.ವಯ್.ಎಮ್ ಬೆಳ್ತಂಗಡಿ ವಾರಾಡ್ಯಾಚ್ಯೆ ದಿರೆಕ್ತೊರ್ ಮಾ|ಬಾ| ಪ್ರವೀಣ್ ಡಿಸೋಜಾ, ಮಾನಾಚೆ ಸಯ್ರೆ ಜಾವ್ನ್ ಐ.ಸಿ.ವಯ್.ಎಮ್ ಬೆಳ್ತಂಗಡಿ ವಾರಾಡ್ಯಾಚ್ಯೆ ಅಧ್ಯಕ್ಷ್ ಪ್ರಕಾಶ್ ಸಂತೋಷ್ ಡಿಸೋಜಾ, ಬದ್ಯಾರ್ ಕೊವೆಂತಾಚಿ ವಡಿಲ್ನ್ ಸಿ. ಫ್ಲೋಸ್ಸಿ, ಫಾದರ್ ಎಲ್.ಎಮ್ ಪಿಂಟೊ ಆಸ್ಪತ್ರ್ ಬದ್ಯಾರ್‌ ಹಾಚಿಂ ವಡಿಲ್ನ್ ಸಿ.‌ ಜೋಶ್ನಾ,‌ ಐ.ಸಿ.ವಯ್.ಎಮ್ ಮಂಗ್ಳೂರ್ ದಿಯೆಸೆಜ್ ಚೊ‌‌ ಉಪಾಧ್ಯಕ್ಷ್ ತಶೆಂಚ್ ಐ.ಸಿ.ವಯ್.ಎಮ್ ಬೆಳ್ತಂಗಡಿ ವಾರಾಡ್ಯಾಚ್ಯೆ ಪ್ರತಿನಿಧಿ ಜಾವ್ನ್ ಆಸ್ಚೆಂ ವಿನ್ಸಟನ್ ಸಿಕ್ವೇರಾ, ಐ.ಸಿ.ವಯ್.ಎಮ್ ಮಂಗ್ಳೂರ್ ದಿಯೆಸೆಜ್ ಚೊ‌ ಕೌನ್ಸಿಲ್ ಸಾಂದೊ ಜಾವ್ನ್ ಆಸ್ಚ್ಯಾ ಸುಶಾಂತ್ ಫೆರ್ನಾಂಡೀಸ್, ಐ.ಸಿ.ವಯ್.ಎಮ್ ಬದ್ಯಾರ್‌ ಘಟಕಾಚೊ ಸಚೇತಕ್ ಶ್ರೀ ರಾಜೇಶ್ ಸೆರಾವೊ ತಶೆಂಚ್ ಸಚೇತಕಿ ಸಿ. ಸುಮಾ, ಐ.ಸಿ.ವಯ್.ಎಮ್ ಬದ್ಯಾರ್‌ ಘಟಕಾಚೊ ಅಧ್ಯಕ್ಷ್ ಮನೀಷ್ ಸಿಕ್ವೇರಾ, ಖೆಳಾ ಕಾರ್ಯದರ್ಶಿ ಅಶೋಕ್ ವೇಗಸ್ ಹಾಜಾರ್ ಆಸ್ಲೆ.

ಹ್ಯಾ ಕಾರ್ಯಕ್ ಜಮ್ಲಲ್ಯಾ ಸರ್ವಾಂಕ್ ಅಧ್ಯಕ್ಷ್ ಮನೀಷ್ ಸಿಕ್ವೇರಾ ಹಾಂಣಿ ಸ್ವಾಗತ್ ಕೆಲೆಂ. ತಶೆಂಚ್ ವೆದಿರ್ ಹಾಜಾರ್ ಆಸ್ಲೆಲ್ಯಾ ಸರ್ವ್ ಸಯ್ರಾಂನಿ ಖೋಂಭ್ ಸುಟೊಂವ್ಚಾ ಮುಖಾಂತರ್ ಕಾರ್ಯೆಂ ಉದ್ಘಾಟನ್ ಕರ್ನ್ ಸರ್ವಾಂಕ್ ಬರೆಂ ಮಾಗ್ಲೆಂ. ಉಪ್ರಾಂತ್ ಫಿರ್ಗಾಜೆಚ್ಯಾ ಭುರ್ಗ್ಯಾಂಕ್ ವಿವಿಧ್ ಖೆಳ್ ಮಾಡುಂನ್ ಹಾಡ್ಲೆ. ಜಿಕ್ಲೆಲ್ಯಾ ಸರ್ವ್ ಭುರ್ಗ್ಯಾಂಕ್ ಫಾದರ್ ಮೆಲ್ವಿನ್ ಡಿಸೋಜ ಹಾಂಣಿ ಬಹುಮಾನ್ ವಿತರಣ್ ಕೆಲೆಂ.

ಉಪ್ರಾಂತ್ ವಾರಾಡ್ಯಾಚ್ಯಾ ಸರ್ವ್ ಯುವಜಣಾಂಕ್ ದಾಂವ್ಚೆಂ, ಪೊವ್ಲಿ ವೊಡ್ಚೆಂ, ಮೊಡ್ಕಿ ಪುಟೊಂವ್ಚೆಂ, ದೊರಿ ವೊಡ್ಚೆಂ ಇತ್ಯಾದಿ ಖೆಳ್ ಮಾಡುಂನ್ ಹಾಡ್ಲೆಂ. ಹ್ಯಾ ಕಾರ್ಯಕ್ ಮಾನಾಚೆ ಸಯ್ರೆ ಜಾವ್ನ್ ಐ.ಸಿ.ವಯ್.ಎಮ್ ಮಂಗ್ಳೂರು ದಿಯೆಸೆಜ್ ಚೊ‌ ದಿರೆಕ್ತೊರ್ ಬಾಪ್ ಅಶ್ವಿನ್ ಲೋಹಿತ್ ಕಾರ್ಡೋಜಾ, ಅಧ್ಯಕ್ಷ್ ಶ್ರೀ ಅನಿಲ್ ಜೋನ್ ಸಿಕ್ವೇರಾ, ಐ.ಸಿ.ವಯ್.ಎಮ್ ಬೆಳ್ತಂಗಡಿ ವಾರಾಡ್ಯಾಚೊ ಉಪಾಧ್ಯಕ್ ಎಮರ್ಸನ್ ಕ್ರಾಸ್ತಾ, ಪಡಂಗಡಿ ಗ್ರಾಮ ಪಂಚಾಯತ್ ಅಧ್ಯಕ್ಷಿಣ್ ಶ್ರೀಮತಿ ಮೀನಾಕ್ಷಿ ತಶೆಂಚ್ ಐ.ಸಿ.ವಯ್.ಎಮ್ ಮಂಗ್ಳೂರು ದಿಯೆಸೆಜ್ ಚೆ ಇತರ್ ಕೌನ್ಸಿಲ್ ಸಾಂದೆ ಯಿ ಹಾಜಾರ್ ಆಸ್ಲೆ.

ದೊನ್ಪಾರಾ ಉಪ್ರಾಂತ್ ವಾರಾಡ್ಯಾಚ್ಯಾ ಸರ್ವ್ ಯುವಜಣಾಂಕ್ ತಶೆಂಚ್ ವಾರಾಡ್ಯಾಚ್ಯಾ ಸರ್ವ್ ಫಿರ್ಗಾಜೆಚ್ಯಾ ದಾದ್ಲ್ಯಾಂಕ್ ತಶೆಂಚ್ ಸ್ತ್ರೀಯಾಂಕ್ ದೊರಿ ವೊಡ್ಚೆಂ ಸ್ಪರ್ಧೆ ಮಾಡುಂನ್ ಹಾಡ್ಲೆಂ.

ಹ್ಯಾ ಕಾರ್ಯಚೆ ವಿಶೇಷ್ ಆಕರ್ಷಣ್ ಜಾವ್ನ್ ರೇಯ್ನ್ ಡಾನ್ಸ್ ಆಸಾ ಕೆಲ್ಲೆಂ. ಉಪ್ರಾಂತ್ ಜಿಕ್ಲೆಲ್ಯಾ ಸರ್ವಾಂಕ್ ನಾಳಾ ಫಿರ್ಗಾಜೆಚೊ ವಿಗಾರ್ ಮಾ|ಬಾ| ತೋಮಾಸ್ ಸಿಕ್ವೇರಾ, ಐ.ಸಿ.ವಯ್.ಎಮ್ ಬೆಳ್ತಂಗಡಿ ವಾರಾಡ್ಯಾಚ್ಯೆ ಅಧ್ಯಕ್ಷ್ ಪ್ರಕಾಶ್ ಸಂತೋಷ್ ಡಿಸೋಜಾ, ಪಡಂಗಡಿ ಗ್ರಾಮ ಪಂಚಾಯತ್ ಸಾಂದೊ ಶ್ರೀ ರಿಚ್ಚಾರ್ಡ್ ಗೋವಿಯಸ್ ಹಾಂಣಿಂ ಬಹುಮಾನ್ ವಿತರಣ್ ಕೆಲೆಂ. "ಗಾದ್ಯಾಂತ್ ಏಕ್ ದೀಸ್" ಖೆಳಾಚೆ ಚಾಂಪಿಯನ್ಸ್ ಐ.ಸಿ.ವಯ್.ಎಮ್ ಮಂಜೊಟ್ಟಿ ಚ್ಯಾ ಯುವಜಣಾಂನಿ ಆಪ್ನಾಯ್ಲೆ.‌ ಉಪ್ರಾಂತ್ "ಗಾದ್ಯಾಂತ್ ಏಕ್ ದೀಸ್" ಕಾರ್ಯಾಕ್ ಸಹಾಕಾರ್ ಕೆಲ್ಲ್ಯಾ ಸರ್ವಾಂಕ್ ಧನ್ಯವಾದ್ ಕಾರ್ಯದರ್ಶಿ ರಿಶಲ್ ಗೋವಿಯಸ್ ಹಾಂಣಿ ಕೆಲೆಂ ಅಶೆಂ "ಗಾದ್ಯಾಂತ್ ಏಕ್ ದೀಸ್" ಕಾರ್ಯೆಂ ಅಖೇರ್ ಜಾಲೆಂ.