Sep 20 : ಭಾರತೀಯ ಕಥೋಲಿಕ್ ಯುವ ಸಂಚಾಲನ್ ದುಬ್ಳ್ಯಾಂಚಿ ಅಂಕ್ವಾರ್ ಮಾಯೆಚಿ ಫಿರ್ಗಜ್ ಉಪ್ಪಿನಂಗಡಿ ಘಟಕಾನ್ ಮೋಂತಿ ಫೆಸ್ತಾಚ್ಯಾ ಸಂರ್ದಬಿ ಆಶ್ರಮ್ ಭೆಟ್ ತಾರಿಕ್ 13/9/2018 ವೆರ್ ಅಸಾ ಕೆಲ್ಲೆಂ. ಉಪ್ಪಿನಂಗಡಿ ಘಟಕಾಚೆ 25 ಯುವಜಣಾಂನಿ 30 ಜಣಾ ಅನಾಥ್ ಭಯ್ಣಿಂ ವಸ್ತಿಂ ಕರ್ನ್ ಅಸ್ಚ್ಯಾ ಪ್ರಶಾಂತ್ ನಿವಾಸ್ ಆಶ್ರಮ್ ನೆಲ್ಯಾಡಿ ಹಾಂಗಾ ಭೆಟ್ ದಿಲಿ.
ಐಸಿವೈಎಮ್ ಸಾಂದ್ಯಾಂನಿ ಸುಮಾರ್ 3 ವೋರಾ ಭರ್ ಆಶ್ರಮಾಂತ್ ಅಪ್ಲೊಂ ವೇಳ್ ಖರ್ಚಿಲೊ. ಆಶ್ರಮಾಂಚ್ಯಾ ಸಾಂದ್ಯಾಂಕ್ ಮನೋರಂಜನ್ ಖಾತಿರ್ ಥೋಡೆ ಖೇಳ್ ಡ್ಯಾನ್ಸ್ ಆಕ್ಷನ್ ಸಾಂಗ್ಸ್ ನಾಟ್ಕುಳೊ ಕರ್ನ್ ತಾಂಕಾ ಸಂತೋಸ್ ದೀಂವ್ಚೆ ಪ್ರಯತ್ನ್ ಕೆಲೆಂ. ಉಪ್ರಾಂತ್ ಆಶ್ರಮಚ್ಯಾ ಸಾಂದ್ಯಾಂನಿ ಪದಾಂ ಗಾವ್ನ್ ತಾಂಚೊ ಸಂತೋಸ್ ಅಮ್ಚೆ ಥಂಯ್ ವಾಂಟುನ್ ಘೆತ್ಲೊ. ಘಟಕಾಚ್ಯಾ ದಿರೆಕ್ತೋರಚ್ಯಾ ನಿರ್ದೇಶನಾಖಾಲ್ ಫಿರ್ಗಜ್ಗಾರಾಂಚ್ಯಾ ಸಹಕಾರಾನ್ ಎಕ್ಟಂಯ್ ಕೆಲ್ಲೆ ತಾಂದುಳ್ ನಾರ್ಲ್ ಫಳ್ವಸ್ತ್ ವಸ್ತುರ್ ಸ್ವೀಟ್ಸ್ ಇತರ್ ವಸ್ತು ಪಾವಿತ್ ಕೆಲೆಂ.
ಆಶ್ರಮಾಕ್ ಭೆಟ್ ದಿಲ್ಲ್ಯಾ ಸರ್ವ್ ಯುವಜಾಣಾಂಕ್ ಭಯ್ಣ್ ಸರಿತಾ ಹಾಂಣಿ ಧನ್ಯಾವಾದ್ ದೀವ್ನ್ ಸರ್ವ್ ಯುವಜಾಣಾಂಕ್ ಬರೆಂ ಮಾಗ್ಲೆಂ. ಆಶೇಂ ಎಕಾ ದಿಸಾಚೆ ಆಶ್ರಮ್ ಭೆಟ್ ಕಾರ್ಯೆಂ ಬರ್ಯಾ ರಿತಿನ್ ಸಂಪ್ಲೆ.
Comments powered by CComment