ಯುವಜಣಾನಿಂ ಭಿಯೆನಾಸ್ತಾಂ ಲೊಕಾಂ ಹುಜಿರ್ ಉಬೆ ರಾವೊನ್ಉಲೊಂವ್ಕ್, ಎಮ್.ಸಿ ಕರುಂಕ್, ಭುಜಾವಣ್ ದೀಂವ್ಕ್, ಭಲಾಯ್ಕಿ ಮಾಗೊಂಕ್ ಅನಿ ಹೆರ್ ಕಾರ್ಯಾವೆಳಿಂ ಸಭೆಕ್ ಉದ್ದೇಶುನ್ ಉಲೊಂವ್ಚೆ ದಿಶೆನ್ ತರ್ಭೆತಿ ಶಿಬಿರ್ ಜುಲೈಚಾ 16 ತಾರೀಕೆರ್ ಸಾಂಜೆರ್ 5 ವರಾಂಕ್ ಇಗರ್ಜೆಚ್ಯಾ ಹೊಲಾಂತ್ ಉಪಾಧ್ಯಕ್ಷ್ ಮಾನೆಸ್ತ್ ಎಡ್ವಿನ್ ಡಿ ಸೋಜಾ, ಕಾರ್ಯಾದರ್ಶಿ ಮಾನೆಸ್ತ್ ಮೌರಿಸ್ ಕುಟಿನ್ಹಾ ಅನಿ ಐಸಿವೈಎಮ್ ಘಟಕಾಚ್ಯಾ ಸಂಚಾಲಕ್ ಮಾನೆಸ್ತ್ ಲೀಯೊ ಮಾರ್ಟಿಸ್, ಐಸಿವೈಎಮ್ ಅಧ್ಯಕ್ಷ್ ಮಾನೆಸ್ತ್ ಸಂತೋಶ್ ತೋರಸಾ ಸಂಗಿ ಮೆಳೊನ್ ಉಗ್ತಾವಣ್ ಕೆಲೆಂ. ಹ್ಯಾ ವೆಳಾರ್ ಫಿರ್ಗಜ್ ವಿಗಾರ್ ಹಾಜಾರ್ ಅಸೊನ್ ಉತ್ತೇಜನ್ ದಿಲೆಂ. ಹಿ ತರ್ಭೆತಿ ಸುಮಾರ್ 15 ದಿಸಾಂಚಿ ಜಾವ್ನಾಸೊನ್ ದೋನ್ ದಿಸಾಂಕ್ಎಕ್ ಪಾವ್ಟಿಂ ಸಾಂಜೆರ್ 5 ಥಾವ್ನ್ 7.00 ಪರ್ಯಾಂತ್ ಅಸ್ತೆಲಿ. ಹಿ ತರ್ಭೆತಿ ಮಾನೆಸ್ತ್ ಜೆ. ಬಿ ಸಿಕ್ವೇರಾ, ಫಿಲೊಮಿನಾ ಕಾಲೇಜಿಚ್ಯಾ ಲೆಕ್ಚರ್, ಹಾಚ್ಯಾ ಮುಕೆಲ್ಪಣಾರ್ ಅರಂಭ್ ಜಾಲಿ. ಹ್ಯಾ ತರ್ಭೆತಿಕ್ ಸುಮಾರ್ 21 ಜಣಾಂ ಯುವಜಣಾನಿಂ ಪಾತ್ರ್ ಘೆತ್ಲೊ.
Comments powered by CComment